17.06.2013 திங்கள் < உற்சாகம் >

கர்த்தர் இயேசு கிறிஸ்து : "என் கிருபை உனக்குப் போதும்" (2 கொரி 12:9)

WORD OF LORD

<<<   DAILY DEVOTION BY GRACE INDIA MINISTRIES  >>>

 

17.06.2013 திங்கள் < உற்சாகம் >

< இன்றைய கர்த்தரின் வார்த்தை >

நீங்கள் சோதனைக்குட்படாதபடிக்கு விழித்திருந்து ஜெபம்பண்ணுங்கள். ஆவி உற்சாகமுள்ளதுதான், மாம்சமோ பலவீனமுள்ளது என்றார். (மாற்கு 14:38)

< இன்றைய சங்கீதப் பகுதி >

உமது இரட்சணியத்தின் சந்தோஷத்தைத் திரும்பவும் எனக்குத் தந்து, உற்சாகமான ஆவி என்னைத் தாங்கும்படி செய்யும். (51:12)

< இன்றைய நீதிமொழி >

ஆட்டுமயிரையும் சணலையும் தேடி, தன் கைகளினால் உற்சாகத்தோடே வேலைசெய்கிறாள். (31:13)

 

< இன்றைய தியானம் >

கர்த்தருக்கு ஸ்தோத்திரம்! நம் மாம்சம் பலவீனமானதாகையால், அடிக்கடி பாவத்தில் விழும்; விழவைக்கும்! அதனால் ஆவி சோர்ந்துபோகும். முறிந்துபோன ஆவியை யாரால் தாங்க இயலும்? நம் ஆவி சோர்ந்து போகும்போது, முழு வாழ்வும் சோர்ந்த நிலைக்குத் தள்ளப்படும்! எனவே பாவத்திலே விழாதபடி விழித்திருக்கவேண்டியது மிக அவசியம். விழிப்போடு இருக்கவேண்டுமானால் நாம் கர்த்தரின் வார்த்தைகளை உற்சாகமாய் படிக்கவேண்டும்! கர்த்தரை உற்சாகமாய் துதிக்கவேண்டும்! உற்சாகமாய் உழைக்க வேண்டும்! துதி நம்மை பெலப்படுத்தும்! கர்த்தர் இயேசுவின்மேல் நம்மை நிலைப்படுத்தும்!

உற்சாகத்துடன் நான் உமக்குப் பலியிடுவேன்; கர்த்தாவே, உமது நாமத்தைத் துதிப்பேன், அது நலமானது.(சங்கீதம் 54:6)

உற்சாகமாய்க் கொடுக்கிறவனிடத்தில் தேவன் பிரியமாயிருக்கிறார். (2கொரி 9:7) ஆமென்!

 

< இன்றைய ஜெபம் >

அன்பின் பரலோகப் பிதாவே!  உம் நல்ல வார்த்தைகளுக்காக நன்றி!  நாங்கள் உமக்கடுத்த அனைத்து காரியங்களிலும் உற்சாகமாய் ஓடவும் உழைக்கவும் பெலன் தாரும்! பலவீனமான மாம்சத்தின் வழியில் நடவாதபடி காத்தருளும்!

சர்வவல்லவர்  இயேசு கிறிஸ்துவின்  பெயரில் ஜெபிக்கிறோம் எங்கள் நல்ல பிதாவே! ஆமென்.

< உங்கள் கவனத்திற்கு >

கர்த்தராகிய இயேசு கிறிஸ்துவினாலே உங்களுக்கு

கிருபையும் சமாதானமும் உண்டாவதாக!

"கர்த்தரின் வார்த்தை" (WORD of LORD)  தினசரி தியானத்தை குறைந்தபட்சம் ஒருவருக்காவது பகிர்ந்து கர்த்தரின் ஊழியத்தில் இணையுங்கள்.

ஜெப உதவிகளுக்குக் கீழே உள்ள எண்களில் தொடர்புகொள்ளுங்கள்! ஆமென்!

Visit Our WebPage: http://graceword.wix.com/tamil

Visit Our Blog: http://graceindiaministries.blogspot.in/

E-Mail ID : graceindiaministries@gmail.com

Join on Facebook : http://www.facebook.com/groups/wordoflord/

கர்த்தரின் பணியில்

GRACE INDIA MINIStRIES

(+91 99524 27477, +91 99945 99677, +91 99940 16570)