4th June 2013 << பரலோகத்துக்கு வழி >>

கர்த்தராகிய இயேசு கிறிஸ்து : " என் கிருபை உனக்குப் போதும்! " ( 2கொரி 12:9 ) WORD OF LORD <<<   DAILY DEVOTION BY GRACE MINISTRIES (INDIA)  >>>

<< பரலோகத்துக்கு வழி >>

இடுக்கமான வாசல்வழியாய் உட்பிரவேசியுங்கள்; கேட்டுக்குப் போகிற வாசல் விரிவும், வழி விசாலமுமாயிருக்கிறது; அதின் வழியாய்ப் பிரவேசிக்கிறவர்கள் அநேகர். ஜீவனுக்குப் போகிற வாசல் இடுக்கமும், வழி நெருக்கமுமாயிருக்கிறது; அதைக் கண்டுபிடிக்கிறவர்கள் சிலர். (மத்தேயு 7:13,14) நாம் அனைவரும் செல்ல விரும்புவது பரலோகம்தான். ஆனால் செல்லவேண்டிய பாதை நரகம் போலத்தான் இருக்கும். ஆனால் நரகம் அல்ல! கிறிஸ்து இயேசுவின் துணையோடு நடக்கிறேன் என்ற உணர்வோடு நடந்தால்; கர்த்தர் என்னோடு இருக்கிறார் என்ற உணர்வடைந்தால் இவ்வுலக வாழ்வும்கூட அனேக போராட்டங்களின் நடுவிலும் பரலோகம் போலவே இருக்கும். இவ்வுலகில் தேவ பக்தியாய் நடக்க விரும்புகிறவர்கள் துன்பப்படுவார்கள்! இடுக்கமான வாசல் என்ற வழியானது இறைவன் இயேசுவே! பாவங்களையும், இச்சைகளையும் விட்டு விலக விரும்பாதவர்களுக்கே அவர் இடுக்கமான வழி! ஆனால், துன்பப்பட்டாலும் சரி என பக்தியோடு இருப்பவர்களுக்கோ அவர் இன்பமான வழி! அல்லேலூயா! சீஷருடைய மனதைத் திடப்படுத்தி, விசுவாசத்திலே நிலைத்திருக்கும்படி அவர்களுக்குப் புத்திசொல்லி, நாம் அநேக உபத்திரவங்களின் வழியாய்த் தேவனுடைய ராஜ்யத்தில் பிரவேசிக்கவேண்டுமென்று சொன்னார்கள்(அப்போஸ்தலர் 14:22) ஆமென்!

ஜெபம் செய்வோமா?

அன்பின் பரலோகப் பிதாவே!  பரலோக வாழ்வை கர்த்தர் இயேசு கிறிஸ்துவின் மூலம் தருபவரே! உமக்கே மகிமை! அனேக துன்பங்களின் நடுவிலும் எங்களை, இன்பமாய் வழி நட்த்துவதற்காக நன்றி! காத்துக்கொள்ளும்! கிருபை தாரும்! சர்வவல்லவர் இயேசு கிறிஸ்துவின் பெயரில் ஜெபிக்கிறோம் எங்கள் நல்ல பிதாவே! ஆமென்.

உங்கள் கவனத்திற்கு!

கர்த்தராகிய இயேசு கிறிஸ்துவினால் உங்களுக்கு கிருபையும் சமாதானமும் உண்டாவதாக! "கர்த்தரின் வார்த்தை" (WORD of LORD) தின தியானத்தை உங்கள் நண்பர்களுக்கும் பகிர்ந்து எங்களோடு கர்த்தரின் ஊழியத்தில் இணையுங்கள். உங்கள் ஜெப உதவிகளுக்குக் கீழே உள்ள எண்களில் தொடர்புகொள்ளுங்கள்! ஆமென்!  Visit our WebPage: http://graceind.wix.com/grace E-Mail ID : graceindiaministries@gmail.com Join on Facebook : http://www.facebook.com/groups/wordoflord/ GRACE ministries(india) (+91 99524 27477, +91 99945 99677, +91 99940 16570)