18.06.2013 செவ்வாய் < தாழ்மை >

கர்த்தர் இயேசு கிறிஸ்து : "என் கிருபை உனக்குப் போதும்" (2 கொரி 12:9)

WORD OF LORD

<<<   DAILY DEVOTION BY GRACE INDIA MINISTRIES  >>>

 

18.06.2013 செவ்வாய் < தாழ்மை >

< இன்றைய கர்த்தரின் வார்த்தை >

நான் சாந்தமும் மனத்தாழ்மையுமாய் இருக்கிறேன்; என் நுகத்தை உங்கள்மேல் ஏற்றுக்கொண்டு, என்னிடத்தில் கற்றுக்கொள்ளுங்கள்; அப்பொழுது, உங்கள் ஆத்துமாக்களுக்கு இளைப்பாறுதல் கிடைக்கும். (மத்தேயு 11:29)

< இன்றைய சங்கீதப் பகுதி >

கர்த்தர் உயர்ந்தவராயிருந்தும், தாழ்மையுள்ளவனை நோக்கிப் பார்க்கிறார்; மேட்டிமையானவனையோ தூரத்திலிருந்து அறிகிறார்.(138:6)

< இன்றைய நீதிமொழி >

அழிவு வருமுன் மனுஷனுடைய இருதயம் இறுமாப்பாயிருக்கும்; மேன்மைக்கு முன்னானது தாழ்மை. (18:12)

< இன்றைய தியானம் >

கர்த்தருக்கு ஸ்தோத்திரம்! சிலுவையின் மரணபரியந்தம் தன்னைத் தாழ்த்திய ஆண்டவர் இயேசுவுக்குக் கிடைத்தது, வானோர் பூதலத்தோர் யாவரும் முடங்கும்படியான உயர்ந்த நாமம்! பாவியாகிய என்மேல் கிருபையாயிரும் என்று தன்னைத்தாழ்த்தி ஜெபித்த ஆயக்காரர் நீதிமானாக்கப்பட்டவராய் திரும்பிப்போனார்! அவர் பாதரட்சையின் வாரை அவிழ்ப்பதற்கும் நான் பாத்திரனல்ல என்ற யோவான், பிந்தின எலியாவானார்! தேவகுமாரன் இயேசு சீடர்களின் கால்களைக் கழுவி தாழ்மையை வெளிப்படுத்தினார்! தான் ஊழியம் கொள்ள அல்ல, ஊழியம் செய்யவே வந்தேன் என்றார்! மேன்மையைப் பெற்றுக்கொள்ள ஒரேவழி மனத்தாழ்மையே! இன்றே அதை அணிந்துகொள்வோமா? மனமேட்டிமை மேலிருந்து கீழே விழவைக்கும்! பாதாளம் வரை!

அழிவுக்கு முன்னானது அகந்தை; விழுதலுக்கு முன்னானது மனமேட்டிமை (நீதி 16:18)

ஆமென்!

< இன்றைய ஜெபம் >

அன்பின் பரலோகப் பிதாவே!  உம் நல்ல வார்த்தைகளுக்காக நன்றி!  நாங்கள் கர்த்தராகிய இயேசுகிறிஸ்துவைப்போல மனத்தாழ்மையை அணிந்துகொள்ள உதவி செய்யும்! அதன்மூலமாய் உயர்வுகளைப் பெற்று உம்மை மகிமைப்படுத்த கிருபை தாரும்!

சர்வவல்லவர்  இயேசு கிறிஸ்துவின்  பெயரில் ஜெபிக்கிறோம் எங்கள் நல்ல பிதாவே! ஆமென்.

< உங்கள் கவனத்திற்கு >

கர்த்தராகிய இயேசு கிறிஸ்துவினால் உங்களுக்கு

கிருபையும் சமாதானமும் உண்டாவதாக!

"கர்த்தரின் வார்த்தை"  (WORD of LORD)  தின தியானத்தை குறைந்தபட்சம் ஒருவருக்காவது பகிர்ந்து கர்த்தரின் ஊழியத்தில் இணையுங்கள்.

ஜெப உதவிகளுக்குக் கீழே உள்ள எண்களில் தொடர்புகொள்ளுங்கள்!  ஆமென்!

Visit Our WebPage: http://graceword.wix.com/tamil

Visit Our Blog: http://graceindiaministries.blogspot.in/

E-Mail ID : graceindiaministries@gmail.com

Join on Facebook : http://www.facebook.com/groups/wordoflord/

கர்த்தரின் பணியில்

GRACE INDIA MINIStRIES

(+91 99524 27477, +91 99945 99677, +91 99940 16570)