17th May 2013 << பூப்போன்ற வாலிபம் >>

கர்த்தராகிய இயேசு கிறிஸ்து : “ என் கிருபை உனக்குப் போதும்! ” ( 2கொரி 12:9 ) "WORD OF LORD" <<<  DAILY DEVOTION BY GRACE MINISTRIES >>> 17th May 2013 (Friday)

<<  பூப்போன்ற வாலிபம் >>

வாலிபன் தன் வழியை எதினால் சுத்தம்பண்ணுவான்? உமது வசனத்தின்படி தன்னைக் காத்துக்கொள்ளுகிறதினால்தானே.(சங்கீதம் 119:9) மாம்பழத்தில் பல வகைகள் உண்டு. அதனதன் காலத்தில் நேர்த்தியாகக் கிடைக்கும் மாம்பழங்களில் சிலர், வண்டு துளையிட்ட பழங்களை விரும்பி வாங்கி சுவைத்து மகிழ்வார்கள். அப்படிப்பட்ட மாம்பழங்களில், அவை பூவாக இருக்கும்போதே வண்டுக்கள் அவைகளில் நுழைந்துவிடுகின்றன. அவை அங்கேயே தங்கியும் விடுகின்றன. காலப்போக்கில் பூ, காயாகி, பழுக்கிறது; சுவையாகவும் இருக்கிறது. ஆனால் பெருகவேண்டிய; மீண்டும் துளிர் விடவேண்டிய மாம்பழக் கொட்டை? அது அந்த வண்டால் நாசம் செய்யப்பட்டு, மீண்டும் பெருகமுடியாமல் அழிந்துவிடச் செய்கிறது. வாலிபம் பூப்போன்றது. ஆம் அந்த வயதில்தான் வண்டு போன்ற இச்சைகளும், பாவங்களும் உட்புகுந்துவிடுகின்றன. வெளிப்புறம் சுவையானதாக; மகிழ்ச்சியாக இருந்தாலும், யாருக்கும் தெரியாமல், உட்புறம் கெட்டு அழுகி, பிற்பாடு அது பரலோக வாழ்வைப் பெற்றுக்கொள்ள முடியாதபடி செய்துவிடுகிறது. கர்த்தர் இயேசுவுக்குள்; அவரது வார்த்தையில் உறுதியாக இருந்தால் ஒழிய அனைவரும் அழிவுக்கு தப்புவது கூடாத காரியம். உட்புறத்தை சுத்தமாக்க கர்த்தரின் பாதம் வருவோமா? நான் உமக்கு விரோதமாய்ப் பாவஞ்செய்யாதபடிக்கு, உமது வாக்கை என்னிருதயத்தில் வைத்து வைத்தேன்.(சங்கீதம் 119:11) ஆமென்!

ஜெபம் செய்வோமா?

அன்பின் பிதாவே! உம் வார்த்தைகளுக்காக உமக்கு ஸ்தோத்திரம்! மலர் போன்ற வாலிபம் இயேசுவுக்கே என்று வாழ பெலன் தாரும். உமது வார்த்தைகளைக்கொண்டு அசுத்தங்களுக்கும், பாவங்களுக்கும் விலக்கிக் காத்தருளும். அன்பின் ஆண்டவர் இயேசு கிறிஸ்துவின் பெயரில் ஜெபிக்கிறோம் எங்கள் நல்ல பிதாவே! ஆமென்.

உங்கள் கவனத்திற்கு!

“வாழ்வுக்கு வார்த்தை” தியானத்தை உங்கள் நண்பர்களுக்கும் பகிர்ந்து எங்களோடு கர்த்தரின் ஊழியத்தில் இணையுங்கள். கர்த்தராகிய இயேசு கிறிஸ்துவின் பெயரால் உங்களுக்கு கிருபையும் சமாதானமும் உண்டாவதாக! ஜெப உதவிகளுக்குக் கீழே உள்ள எண்களில் தொடர்புகொள்ளுங்கள்! ஆமென்!  To read old articles: wordforlifetamil.blogspot.com Our Mail ID : graceindiaministries@gmail.com bY GRACE ministries (+91 99524 27477, +91 99945 99677, +91 99940 16570)