16th May 2013<< சோதிக்கலாமா? >>

கர்த்தராகிய இயேசு கிறிஸ்து : “ என் கிருபை உனக்குப் போதும்! ” ( 2கொரி 12:9 ) WORD OF GRACE <<<  DAILY DEVOTION  BY GRACE INDIA MINISTRIES >>> 16th May 2013 (Thursday)

<<  சோதிக்கலாமா? >>

நாம் நம்முடைய வழிகளைச் சோதித்து ஆராய்ந்து, கர்த்தரிடத்தில் திரும்பக்கடவோம். (புலம்பல் 3:40) கம்பியூட்டரை வைரஸ் பாதிப்பிலிருந்து பாதுகாக்க ஒரு சில பாதுகாப்பு மென்பொருட்களைப் பயன்படுத்துவார்கள். அத்தகைய மென்பொருட்கள், கம்பியூட்டரின் அத்தனை நடவடிக்கைகளையும் ஒவ்வொரு வினாடியும் உற்று கவனித்துக்கொண்டே இருக்கும். ஏதேனும் வைரஸ் உட்புகும்போது, அதைச் சரியாக கவனித்து அழித்துவிடும். அத்தகைய பாதுகாப்பு மென்பொருட்கள் இல்லாத கம்பியூட்டர்களில், வைரஸ்கள் இல்லாத்தது போலிருந்தாலும், திடீரென ஒருநாள் கம்பியூட்டரின் மொத்த செயல்பாட்டினையும் முடக்கிவிடும். பிறகு பெரிய செலவுதான். கிறிஸ்தவ வாழ்விலும் கூட, நாம் நம்மை ஒவ்வொரு வினாடியும் கவனித்து, நடக்கவேண்டும். ஒவ்வொரு நாள் இரவிலும் நாம் நம்மை சுய பரிசோதனை செய்துகொள்ள வேண்டும். நம்முடைய பேச்சிலாவது, சிந்தனையினாலாவது, செயலினாலாவது கர்த்தருக்கு விரோதமாக நடந்திருக்கிறோமா அல்லது பிறருக்கு தீங்கு விளைவித்திருக்கிறோமா என சிந்தித்து, கர்த்தரிடம் / பிறரிடம் மனம் வருந்தி, மன்னிப்பை பெற்றுக்கொள்வது மிக அவசியம். அப்படியில்லாத கிறிஸ்தவ வாழ்வில், சில இச்சைகள் / பாவங்கள் மறைவாயிருந்து, காலப்போக்கில் நம் பரிசுத்த வாழ்வைச் சீர்குலைத்துவிடும். அந்த எச்சரிக்கை உணர்வை கர்த்தர் நமக்குத் தருவாராக! தேவனே, என்னை ஆராய்ந்து, என் இருதயத்தை அறிந்துகொள்ளும்; என்னைச் சோதித்து, என் சிந்தனைகளை அறிந்துகொள்ளும்; வேதனை உண்டாக்கும் வழி என்னிடத்தில் உண்டோ என்று பார்த்து, நித்திய வழியிலே என்னை நடத்தும். (சங்கீதம் 139:23,24) ஆமென்!

ஜெபம் செய்வோமா?

அன்பின் பிதாவே! உம் வார்த்தைகளுக்காக உமக்கு ஸ்தோத்திரம்! எங்களை நாங்கள் கவனித்து; எச்சரிக்கையாக நடக்க கிருபை தாரும். குற்றமற்ற வழியில் நடக்க பெலன் தாரும். கிருபை நிறைந்த ஆண்டவர் இயேசு கிறிஸ்துவின் பெயரில் ஜெபிக்கிறோம் எங்கள் நல்ல பிதாவே! ஆமென்.

உங்கள் கவனத்திற்கு!

“வாழ்வுக்கு வார்த்தை” தியானத்தை உங்கள் நண்பர்களுக்கும் பகிர்ந்து எங்களோடு கர்த்தரின் ஊழியத்தில் இணையுங்கள். கர்த்தராகிய இயேசு கிறிஸ்துவின் பெயரால் உங்களுக்கு கிருபையும் சமாதானமும் உண்டாவதாக! ஜெப உதவிகளுக்குக் கீழே உள்ள எண்களில் தொடர்புகொள்ளுங்கள்! ஆமென்!  To read old articles: wordforlifetamil.blogspot.com Our Mail ID : graceindiaministries@gmail.com bY GRACE ministries (+91 99524 27477, +91 99945 99677, +91 99940 16570)